કોળી સમાજના બ્રેનડેડ ધોરણ 10 ના વિદ્યાર્થી ના અંગદાન થી 4 વ્યક્તિ ને નવજીવન

પ્રાપ્ત વિગત મુજબ વલસાડના ઉમરગામ તાલુકામાં ભિલાડ ચાર રસ્તા પાસે દહેલી ગામમાં ખુલાતપાડા ફળિયામાં રહેતા ૪૫ વષીૅય ભરતભાઇ કીકાભાઇ પટેલ ગત તા.૨૬મીએ બપોરે તેમના ૧૬ વષીૅય પુત્ર મીત સાથૈ ઝેરોક્ષ કરાવવા બાઈક ઉપર જઈ રહ્યો હતો . ત્યારે ભીલાડ સ્ટેટ બેન્ક ઓફ ઇન્ડિયા પાસે અજાણ્યા ટ્રકે તેમને અડફટે લેતા માથા સહિત શરીરના ભાગે ગંભીર ઇજાગ્રસ્ત મીતને પ્રથમ વાપી બાદ સુરતની ખાનગી હોસ્પિટલમાં ખસેડાયા બાદ નિદાનમાં મગજનમાં લોહીનું પરિભ્રમણ બંધ થયાનું બહાર આવતા બ્રેઇડડેડ જાહેર કરાયો હતો.

આ અંગે ડોનેટ લાઇફને જાણ થતા મીતના પરિવારને અંગદાન અંગે સમજ અપાતા તેઓ તે માટે સંમત થયા હતા. કોળી પટેલ સમાજના બ્રેનડેડ મીત ભરતભાઈ પટેલના પરિવારે કિડની, લિવર અને સ્વાદુપિંડનું દાન કરી ચાર વ્યક્તિઓને નવજીવન આપીને માનવતાની મહેક પ્રસારી સમાજને નવી દિશા બતાવી છે.

ભીલાડ રોડ પર અકસ્માતમાં ઇજા થયા બાદ ધો.૧૦નો વિદ્યાર્થી બ્રેેેઇન ડેડ જાહેર કરાયો હતો. ત્યારબાદ તેમના પરિવારના સભ્યોએ વિધાથીની કિડની, લિવર, સ્વાદુપિંડનું દાન કરતા ચાર વ્યક્તિને નવજીવન આપીને માનવતા મહેકાવી અને સમાજમાં નવી દિશા બતાવી છે.

ઝેરોક્ષ કરાવવા જતાં એક્સિડન્ટ
1.ભીલાડમાં આવેલ સ્વામીનારાયણ ગુરુકુળમાં ધોરણ-૧૦ માં અભ્યાસ કરતાં 16 વર્ષિય મીત ભરતભાઈ પટેલ પિતા સાથે ગત 26મીના બાઈક પર બેસીને ઝેરોક્ષ કરાવવા જઈ રહ્યો હતો. ત્યારે ભીલાડ સ્ટેટ બેન્ક ઓફ ઇન્ડિયા પાસે એક અજાણ્યા ટ્રક ચાલકે બાઈકને ટક્કર મારતા મીત બાઈક ઉપરથી નીચે પડી ગયો હતો. તેને માથામાં તેમજ કમર અને છાતીના ભાગે ગંભીર ઈજાઓ થઇ હતી. તેથી તેને તાત્કાલિક વાપીમાં આવેલ રેઈન્બો હોસ્પીટલમાં દાખલ કરી પ્રાથમિક સારવાર આપ્યા બાદ વધુ સારવાર માટે સુરતની મહાવીર ટ્રોમા હોસ્પીટલમાં રાત્રે સાડા અગિયાર કલાકે ડૉ. કરસન નંદાનીયાની સારવાર હેઠળ દાખલ કરી સારવાર શરૂ કરવામાં આવી. નિદાન માટે સીટી સ્કેન કરાવતા નાના મગજમાં લોહીનું પરિભ્રમણ બંધ થઇ થઇ ગયું હતું. તેમજ મગજ ઉપર સોજો હોવાનું નિદાન થયું હતું. અને બ્રેઈનડેડ જાહેર કરવામાં આવ્યો હતો.

દાનમાં મળેલી એક કિડની અમદાવાદના રહેવાસી રતનબેન સંદીપ વાઘેલા (ઉ.વ. ૩૬),  બીજી કિડની ભરૂચના રાજેન્દ્રસિંહ મુળજીભાઈ સયાનીયા (ઉ.વ.૬૬), લિવર અમદાવાદના અલ્પેશ દિનેશચંદ્ર ભલાણી (ઉ.વ. ૪૫) અને  સ્વાદુપિંડ માંગરોળના પોપટભાઈ મેરૂભાઈ ઓડેદરા (ઉ.વ. ૩૯)ને ટ્રાન્સપ્લાન્ટ કરાયું છે

પરિવારે અંગદાનનો નિર્ણય લીધો
2.એક ભાઈ અને બહેન ધરાવતાં મિતના અંગોના દાન અંગે પરિવારને સમજાવવામાં આવ્યું હતું. પરિવાર પણ મીતના અંગો દ્વારા અન્યોને નવજીવન મળતું હોય તો તેઓ તૈયાર હતાં. મીતના પિતા ભરતભાઈએ જણાવ્યું કે, મારો દીકરો બ્રેનડેડ છે, અને તેનું મૃત્યુ નિશ્વિત છે ત્યારે તેના અંગોના દાન થકી કોઈના લાડકવાયાને નવજીવન મળતું હોય તો અંગદાન માટે આપ આગળ વધો.

મીતના અંગો આ વ્યક્તિને અપાયા
3.દાનમાં મેળવવામાં આવેલ કિડની પૈકી એક કિડની અમદાવાદના રહેવાસી રતનબેન સંદીપ વાઘેલા ઉ.વ. ૩૬, બીજી કિડની ભરૂચના રહેવાસી રાજેન્દ્રસિંહ મુળજીભાઈ સયાનીયા ઉ.વ.૬૬, લિવર અમદાવાદના રહેવાસી અલ્પેશ દિનેશચંદ્ર ભલાણી ઉ.વ. ૪૫, જયારે સ્વાદુપિંડનું ટ્રાન્સપ્લાન્ટ માંગરોળના રહેવાસી પોપટભાઈ મેરૂભાઈ ઓડેદરા ઉ.વ. ૩૯માં અમદાવાદની IKDRC ખાતે ડો. પ્રાંજલ મોદી, ડૉ. જમાલ રીઝવી અને તેમની ટીમ દ્વારા કરવામાં આવ્યું છે.